巴塞隆拿剛於國家打吡勇挫皇家馬德里，重燃爭標希望，周三於魯營主場面對包尾大幡奧沙辛拿，大勝一場冇難度。
巴塞剛於周日西甲藉球王美斯梅開二度，加上中場拿傑迪錫的入球，最終作客以3:2反勝皇馬，取得寶貴3分之餘，更重燃起爭標的希望。巴塞目前與皇馬同得75分，但較皇馬踢多1場，故之後的比賽除了要繼續全力爭勝，同時亦要寄望皇馬失分，才有望實現西甲3連霸。
雖然於歐聯8強不敵祖雲達斯出局，但巴塞近期於西甲火力大開，若單計聯賽主場，他們最近更錄得9連勝，合共攻入35球。
陣中主將尼馬早前被罰停賽3場，今仗是他「服刑」的最後一場。中場阿歷斯維度及拉芬拿艾簡達拿已宣佈提早收咧，相反另一守將馬斯真蘭奴於上仗已重返大軍名單，今仗有望披甲。
奧沙辛拿近況稍有起色，對上4仗聯賽合共取得7分，但目前仍排榜尾，落後尾4的雷加利斯有9分之多，大有機會降班收場。況且，奧軍陣中傷兵滿營，當中米基爾法蘭奴、坦奴及迪迪亞迪加特已宣佈提早收咧。 |
發表於 2017-4-26 02:46 PM
| 