返回列表 回復 發帖

[分享] 漫畫: 聯賽盃車仔殺入決賽, 同曼城爭冠軍

英格蘭聯賽盃4強次回合周五凌晨續演一仗,由車路士主場迎戰熱刺,首回合落後一球嘅車仔成為翻盤,以2比1擊敗熱刺,兩回合合計踢成2比2平手,要以互射12碼決勝,最終車路士贏4比2殺入決賽,將與曼城爭冠。

熱刺原本已經有兩大前鋒哈利卡尼受傷,孫興民不在陣,今仗再有迪利阿里養傷,讓足車馬炮之下自然唔夠車仔打,車路士今仗既有主場之利,球隊後備兵源亦較充裕,熱刺劣勢下能夠破蛋已經好難得,鬥到互射12碼至輸,都算係咁。

上半場車路士攻勢凌厲,27分鐘憑尼高路簡迪先開紀錄,38分鐘輪到夏神夏薩特發威射成2比0。下半場50分鐘,洛蘭特為熱刺追成1比2接近紀錄,亦將比數追成2比2平手。

互射12碼大戰,車路士前4輪全中,熱刺卻有盧卡斯莫拉射失,結果車路士以4比2取勝,決賽對曼城,也是領隊沙利加盟後首場決賽。
附件: 您所在的用戶組無法下載或查看附件
返回列表