返回列表 回復 發帖

[新聞] 曼聯冇晒耐性——-決定用盧卡古換戴巴拿

傳國際米蘭拎唔出8,000萬鎊收購盧古卡,甚至已計劃收購其他前鋒代替佢。曼聯亦開始覺得唔對路,打算同另一支有興趣簽盧卡古嘅祖雲達斯傾。據悉,紅魔鬼提出以呢位比利時國腳,交換祖雲達斯前鋒保羅戴巴拿。

意大利轉會市場專家迪馬治奧話:「國際米蘭之前的確好大機會簽入盧卡古,但現時情況有變,祖雲達斯都加入爭奪,而且處於領先,因為佢哋願意用保羅戴巴拿交換盧卡古,
佢哋認為戴巴拿值1億歐元,而盧卡古值8200萬歐元,身價差唔多,兩間球會只要坐低傾,應該可以達成協議。」

祖雲達斯高層尼維特亦透露,收到其他球會對保羅戴巴拿嘅報價,將會詳細研究。戴巴拿上季已失去正選,轉投曼聯可能有機會重生,而盧卡古之前自爆想加盟祖記,如果交易成功,對兩位球員以及兩間球會都有好處。
係就正呀, 上季盧卡古表現都麻麻地
返回列表