大家先嚟睇下，7轮过后，4大豪门嘅情况
排名
| 球队 | 赛 | 胜 | 平 | 负 | 入球 | 失球 | 积分 | | 1 | 阿仙奴 | 6 | 5 | 1 | 0 | 15 | 4 | 16 | | 2 | 曼联 | 7 | 4 | 2 | 1 | 6 | 2 | 14 | | 4 | 利物浦 | 6 | 3 | 3 | 0 | 11 | 2 | 12 | | 6 | 车路士 | 7 | 3 | 2 | 2 | 7 | 8 | 11 |
从上述情况嚟睇，曼联今季有安达臣，兰尼，迪维斯等强火力强盟，射门次数冠绝英超联,攻击力之强盛就唔使我讲了。至于有人话只入6球，呢个完全系费Sir1:0现实主义战术所致，根本不足为患，想当年AC米兰称霸欧洲嘅时候就系咁了，我仲记得AC米兰响巴雷斯领衔后防嘅时代，AC米兰有一个赛季只系攻入咗46球(具体数字我唔清楚，但最多系49球),但就以极大优势夺冠。正当大家都以为AC米兰攻力不足时，佢就响欧冠杯决赛中以4:0大破当时拥有全欧洲最豪华进攻阵容嘅巴斯隆拿。从目前情况睇嚟，费Sir都想将曼联打造成AC米兰第二，值得一提嘅系，曼联近年嚟係欧冠杯二碰AC米兰都俾佢所击败，可能因为咁嘅原因，费Sir谂住学习佢嘅打法。所以只要曼联有足够嘅火力同保持相当嘅射门次数，入球系迟早嘅事，就好像一个人掌握咗技术，只系暂时唔表现出嚟，但係关键时刻就会爆发。
但最令人担心嘅系，曼联后防线只有4-5人可担大任，老实讲呢个配置,挪嚟应付英超中下游球队就问题唔大，但一旦遇上阿仙奴及今季实力大增嘅利物浦就麻烦了，至于欧冠嘅颈敌就更难了。本季轩斯嘅离队对曼联后防嘅影响可谓立竿见影，曼联1：1保顿及0:1曼城，如果轩斯仲係度，最后结果相信唔会系咁嘅。所以，费Sir係冬季转会市场上应该要谂下计了，如果唔系后防一旦出现伤患，上季欧冠杯出局一幕又会重现了。
我係新赛季开始前就讲过，利物浦会成为车路士提前夺冠嘅最大障碍，从宜家情况嚟睇，果然如此。但令我冇谂到嘅係6轮比赛过后，最冇可能夺冠嘅阿仙奴居然可以排係榜首，真系唔得唔佩服云加教练嘅指挥艺术。
至于车路士虽然摩连奴离队，但只要球员唔变，佢依然系夺标最大热门，俄罗斯首富仲话要响冬季转会市场上挪置朗拿颠奴，如果真系成功车路士将会欧洲超一流嘅球队。
最后，我只讲一句，曼联要响欧战上要有所作，坚决加强后防，买人好培养新人更重要。
|
發表於 2007-9-24 07:26 PM
| 
發表於 2007-9-25 04:25 PM
| 