[新聞] Lotus Super 7

對 Lotus迷來講， Super 7這個名字絕不陌生，它不算擁有 Lotus純正血統，只係開枝散葉下的產物。事關 Lotus於 1957至 1972年只生產 Lotus 7，後來才將製造及銷售權賣給另一間車廠 Caterham，從而生產性能再高的 Super 7，邊個至正宗？對古董車迷嚟講已唔重要，因為最討大家歡心的，是充滿上世紀中期的賽車味道。
當年 Lotus構想做出一架可行得出街、可落場及充滿賽車味的街車。係就係貪心咗啲，不過有人 Buy！外形獨特，喺香港古董車界數量極少，絕對列入矜貴行列！今次搵到 1977年出廠嘅超級 7仔行街，車主早已對它起痰，不過得個恨字，後來知道有個外籍收藏家有收藏，但對方一直唔肯割愛，至近年對方移居海外才賣出。當時架車嚴重生銹，車主用了半年努力將它變回靚仔。

放大圖片

■低重心設計，開篷駕駛 High爆！

放大圖片

■盒仔形尾燈組，充滿復古味。

放大圖片

■避震懸掛一眼睇晒，絕對方便調校。

放大圖片

■車輛燈號大部份都是啪個掣就搞掂。

人人變龍友放大圖片

既然罕有，外形又靚仔，行出街自然惹來一批狂蜂浪蝶，當日我們將車擺在尖嘴街頭一陣，超級 7仔突然成為龍友 Model，怕羞的就在對面街拍拍照，大膽的甚至走近作近距離接觸，實行一親香澤，證明視帝確有收視保證！

放大圖片

放大圖片

放大圖片

放大圖片

慢車遇着水滾
雖然超級 7仔經過幾十年歷史，家睇番都覺得它是一架充滿玩味的玩具車，採用鋼管車架、 750kg輕量車身、低地台低重心，一切都為要帶來跑車感而設計；不過如果對它不夠包容，會帶畀你不少煩惱！事關 Super 7只適合快跑，慢行不是它強項，我們在尖嘴走一轉就遇上塞車，結果老爺車即時詐型，以水滾作抗議。這情況與年紀大無關，因為 Super 7的引擎擺放於車頭位置，由於空間有限，水箱容量較細，所以行駛宜快不宜慢。
勿論這些小問題，外形夠出位已為它贏來不少支持，但女士們可能會投反對票，事關上車一刻開始已是挑戰，首先死氣喉擺放在乘客位腳踏位置，千祈咪當是腳踏，踩斷它就大件事！另外鑽入猶如長形設計浴缸的車廂亦是一門學問，隨時令大家儀態盡失！

放大圖片