史上最卑鄙的幪面超人？ -- 幪面超人Black RX

cat2

幪面超人系列，新一代的朋友可能由古加開始認識，老一輩的朋友就可能由一號開始，據老前輩所講當年因為有人模仿超人使出"風雷電"(rider kick的舊港譯)引發不幸事件，令到蒙面超人在香港電視畫面上消失！
到九十年代初，亞視播放"幪面超人black"才正式得以重新在本港電視登場，幪面超人Black RX是幪面超人Black的續作，出名(卑鄙？)招式眾多，今天忽然好想寫這部充滿"名場面"的1988年經典作品...
為免大家已經唔記得個故事講咩先來一張相：

大家重記唔記得南光太郎？都算靚仔！可惜．．．
再來個影流劇情簡介：
話說南光太郎在上集幪面超人black中大顯神威，老闆急令開拍續集，於是飽受環境問題困擾的尼羅斯帝國馬上開始侵略地球，尼羅斯帝國由於擁有高度文明，自然做足準備，得知black英明神武，大老闆又想推新玩具，於是在開始侵略時先擒下南光太郎，隨手將他棄到太陽處，但貴為主角的南光太郎又豈會在玩具都未開始賣的情況下戰死？於是，馬上發動金手指，唔係，應該係吸收太陽能量，化身成更強更勁更多玩具可以賣的"太陽之子"幪面超人Black RX力拚尼羅斯帝國！(這故事的教訓：垃圾要丟在適當的地方！)
今次寫少點，大家看圖片解說，先來個幻影激光劍大家回憶一下吧，多餘地補充一句，本文以下全屬設計對白，唔好當錯真係劇中對白來引用：
記憶當中，BLACK RX應該是第一個用劍作必殺技的rider！

RX:"今集還有三分鐘，唔出"架生"唔掂喇"

RX:"肚腩收埋把劍，哩次重唔陰到你！"

怪人""點解你有劍？rider唔係打拳頭交的嗎？呀~~~~~~~~~"

RX:"喂，你唔好借勢夾往我把幻影激光劍唔放！我得一把咋！"
RX:"唔踼你都唔死開，把劍好貴架，整爛你賠唔起！"


怪人:"我不過被插一刀，點解會爆炸？" RX:"要爆就快快爆，女友急call，你咪阻往收工！"
幪面超人RX再一次打敗尼羅斯帝國的怪人，保護了我們的地球，加油呀！幪面超人BLACK RX！不要放棄呀！
名場面2： 群超欺怪

RX:"今次隻怪人好威猛，要拖馬先得喇！"

RX:"一行14人，好意頭，14打1，你隻怪人今次實死都得！"(10位舊rider+black rx+ 三位朋友)


怪人："各位英雄，手下留情，唔好打面~~~~呀~~~~"
我們偉大的超人再一次發揮團結的精神，打敗了萬惡不赫的尼羅斯帝國，一切都是為了正義！加油呀！各位超人！不要放棄呀！
名場面3：三段變身之二-- 裝甲態
BLACK RX 可以變身為三種形態，可算開了多段變身rider之始！這個形態可能是受到當年大熱的ROBOCOP影響，都是重裝甲用光熗的！

傑克將軍："哈哈哈！我班手下一早通水，今次我拿定把大刀，唔驚你有激光劍！"

RX:"你out喇，哩個年代重用大刀？等我教精你喇！"(然後變身成重裝甲形態)

傑克將軍:"點解你會有死光熗！太唔公平喇！"
名場面4：三段變身之三-- 生化態
BLACK RX的第三個形態，有劍作武器，更可以化為液體般飛來飛去，但點解變液體後可以飛？

RX："就咁唔夠你打，一於變水同你玩！"(然後變水進入怪人體內破壞)


怪人："你點可以未經同意隨便進出他人身體！！呀！！"
名場面5：愛車雷達一號
BLACK RX 出名坐駕多多， 除了一般rider的電單車外，還有一架大大架的四輪車，相信尼羅斯的怪人應該要買定交通意外保險...

RX："四輪車係唔同，撞怪人都撞得特別有快感！"

怪人："好痛呀！你條友超速駕駛車親人唔賠湯藥費就走！"
BLACK RX入面其實重有好多名場面，有時間可能要再整理一下！加油呀！太陽之子！幪面超人BLACK RX！

[ 本帖最後由 cat2 於 2008-8-6 12:55 AM 編輯 ]

db7

哈哈，黃色字個D說話好好笑阿~

danny仔

模型区啵 但都几好笑。。。

simon_liukw

人地多d武器就話人地卑鄙...............

crashersus

几搞笑...好啊...

vamp

very good ar .. i like this Rx very much ge.

rupolopolo

几搞笑.

87768437

真系很黄很暴力啊~!

jimmyltkin

係成班起人打一隻怪o個part 卑鄙啲lor, 其他都無乜野

mospong

very funny
th for u

octkidhk

我有睇過這兩套幪面超人: black & RX，當時在亞視播時大受歡迎，尤是女 fans，皆因飾演南光太郎那位男優實在太…靚仔俊俏，好 man，充滿陽光氣息。還記得這個男優還拍過「力保健」的廣告，不似得現在演幪面超人男優，作中性打扮，重要cam cam 地，可能我都老啦，追不上潮流…

freeboy

雖然係好正,但可否不用黃色字,真係睇吾到.

cat2

change la

[ 本帖最後由 cat2 於 2008-8-11 10:55 PM 編輯 ]

jasonwaly

都几好笑下

prescottchow

I LOVE RX