返回列表 回復 發帖

[新聞] 小蘇B上陣鬥曼聯 表現似紙板公仔

曼聯喺周三(31日)凌晨熱身賽作客挪超球隊基斯迪辛德,最大亮點係紅魔主帥蘇斯克查嘅大仔諾亞首次為一隊上陣,不過佢係為基斯迪辛德披甲鬥曼聯。

呢位19歲星二代係基斯迪辛德青年軍球員,由於今場對手係曼聯,教練米高遜做個順水人情,提升諾亞上一隊,踢到83分鐘,仲派佢上陣,同老竇蘇斯克查打對台。

雖然爸爸係出色射手,但諾亞司職中場,可能係佢職業生涯「處子戰」,表現明顯比較緊張,唔敢出腳攔截對手,而且動作比較慢,畀對手話過就過,相信仲有排磨練,最唔好彩係佢落場之後,基斯迪辛德就輸波。

除咗諾亞之外,蘇斯克查仲有個細仔艾利亞,三父子今場一齊合照,非常溫馨,勝負已唔重要。
曼聯真係差左好多
無個領隊似費SIR咁
吳听話雪硬你
賣埋你都得
而家領隊吳够硬
返回列表