HONBITERU

我其實都係风车迷, 除了ARSENAL, 我最喜愛的球隊就是AJAX, 國家隊就是阿根廷, 所以朋友就幫我起個花名叫"3A黨";話說风车國繼告魯夫(1974)後, 最強最黃金的時代就係"三劍俠"時代, 到伯金年代其實已是強弩之末, 而現在的风车隊, 可以話不論白人又好, 黑人也好, 係一個各自為戰的年代, 舊一套戰術係10上10落, 我唔係欣賞呢種氣勢, 而係欣賞10上10落的TEAM WORK精神; 但現在的风车隊, 由其是新上位那一班, 個個以為自己可以以一敵11, 信心爆棚係好, 其足球技術我亦認同, 但係佢地冇乜自知之明, 足球是團體運動, 即使是馬勒當那咁神乎奇技, 在1986年世界盃決賽對德國, 亦一樣比馬圖斯和其他後衛夾到無得射波, 但點解都比阿根廷奪取那屆世界盃? Team Work! 自己無因為比人Mark死而監硬, 反而製造機會比隊友, 隊友又不斷走位配合下, 才險勝取得1986年世界盃!
至於风车隊, 既無人可比美馬勒當那, 亦無Team Work精神, 也無德國隊的機動性, 那裡能有好成績, 我同樣喜歡风车隊, 但她真的不是來屆歐洲國家盃的真命天子, 我反而看好葡萄牙或者爆冷由捷克奪取冠軍呢! 我相信呢兩隊(初賽同組), 最後至少會有一隊留在決賽!!!