[討論] 三连胜，曼联1：0击败爱华顿赛后讨论

rivaldoliu

凭借维迪的入球，曼联1：0击败爱华顿，取得3连胜

rivaldoliu

今场曼联赢得都算有惊无险，凭借维迪的杀手锏，1：0击败爱华顿。今场胜利同saha的替补上场都好有关系。saha上场后，10分钟内，曼联的控球时间达到90%，一路按住爱华顿嚟打，最后连番攻击后，凭借本场第5个角球，维迪接应冲前点得手。
但係本场斯维斯达的严重受伤and nani的可能受伤，可以算係两个不幸的消息。斯维斯达的受伤同当年alan smith对利物浦的受伤有D类似，不过smith果球严重好多。今次斯维斯达係被人晃过后，自己对脚种死咗落个地度，然后自己坐咗落去受伤。最好彩的情况就係严重受伤，如果断了咁样今个赛季佢就基本上拜拜了。睇佢落场时果个痛苦的表情，可能属于后者。那么呢个绝对係不幸的消息，佢呢个年龄来讲，受咁样的伤，可能意味着收山了。希望吉人天相。
至于nani，佢有一个被人铲倒后痛苦的摸住个pp，唔知会唔会係肌肉受伤，下半场nani基本上没咩野突破，不过睇佢开出果个致胜的角球，估计都唔会係大问题。
加上上轮欧锦赛预赛受伤的费查、奥沙，仲未出得朗尼、加里，曼联宜家可能有5-6个伤病。对于曼联来讲，呢段时间可能用人的选择性可能少D了。
希望费sir可以更加信任saha and 卡力克，尤其係前者。呢两场的胜利证明了曼联需要一个中锋，宜家曼联可以相信的中锋就只有saha，费sir应该给多D信任佢。至于卡力克，今场表现个人觉得唔错，都传咗几脚靓波，仲有几脚远射，踢得好积极，费sir应该多D信任佢，给机会佢同夏格维斯配合下。
今日曼联一对中坚同云达沙表现唔错。麦费典果球远射云达沙飞扑挡到第一下，然后里奥跟到好贴挡住咗安尼捷比的补射。加上维迪的致胜球，今场曼联的胜利其实就係靠佢地3个的出色表现。
讲完D表现好的，就要批评下D表现差的了。第一个当然就是几乎肯定应该被人罚下场的史高斯。没记错，佢对上果次给人两黄一红落去的比赛就係欧联作客对罗马。如果果场波的球证执法呢场波，估计史高斯肯定就要落去休息了，维利都算给面佢了。史高斯做为球队主力球员，而且係一个3X岁的老将了，但係呢个表现完全係一个1X-2X岁的年轻气盛的后生仔所为。费sir用佢係希望佢的经验and实力可以帮助球队，如果佢再係咁落去，我希望费sir可以用卡力克取代佢。希望费sir可以好好咁同史高斯讲下了。
第二个就肯定係C朗了，罚球全部都中人墙，远射全部都打正中央，3场波监，似乎C朗依然未稳到感觉。但係佢係葡萄牙的表现同佢曼联完全唔同，唔同前2季的C朗又返嚟了？希望C朗可以快D重新稳返上赛季的感觉。
第三个个人觉得係费sir。首先佢唔敢大胆咁用saha，可能saha未到100%，但係我觉得saha应该可以更早出场。其次就係艾华+斯维斯达的左路组合。我唔知费sir係唔係因为慈善盾的表现而迷信呢对组合，但係呢队组合响对雷丁的时候就证明咗係失败的了。而今场比赛，知道斯维斯达伤出为止，曼联左路基本上係没配合的。艾华本身就係擅长插，宜家呢唔给佢插，要佢过人，对住D状态唔够、水平低D的球员，就没问题。但係联赛打咗6轮了，状态都出嚟了，你要艾华完成用波、过人的任务，根本就係没可能了。而且斯维斯达的插、防守，远远不如艾华，而且斯维斯达个态真係有D问题。今次佢的受伤，好大原因都係因为状态唔够fit。最后就係替补上嚟比基的位置问题。呢个可能係我有D杞人忧天，但係我真係担心比基会比费sir当咗第二个奥沙嚟洗。如果唔係奥沙因伤缺阵2-3周，今场比赛替补上场打防守中场的肯定係奥沙而唔係比基。今场比赛，比基似乎有D紧张，唔係太放得开，几球解围都唔敢做出D较有侵略性的选择。比基係打中坚的好材料，我唔希望佢给费sir当奥沙咁样，奥沙第一个赛季打左后卫表现非常好，果时我觉得係佢曼联左后卫的最佳人选。我最记得就係有一场大胜，奥沙打左后卫，佢响底线一个波过人后劲射中楣，给我留下了非常深刻的印象。但係费sir之后不断 改造佢，边度缺人佢就去边度，搞到佢宜家变咗全才——全面平庸的人才。我唔希望比基会变成第二个奥沙，如果我係费sir，今场比基替补上场我就稳佢打中坚，叫里奥顶上去扫荡。不过如果咁样安排，可能安尼捷比果球近射就追平了。费sir咁用係有佢道理，曼联可以保持领先到最后。但係我唔希望费sir将比基类比为第二个奥沙。

rivaldoliu

最后，其实我想单独讲讲维利的问题。
维利毫无疑问一定程度上成为咗今场波的焦点，尽管佢基本上控制了场上的局面。但係佢的鸡声实在係太慢了。而且有几个明显的错误。
第一个就係禁区角吹卡力克踢巴恩斯果个波。多个慢动作明显显示呢个波卡力克係完全没踢到巴恩斯，卡力克係dun地，而巴恩斯係跳起扮中脚跌到。好彩呢个波係禁区外，如果唔係就真係冤枉到死了。
第二个问题就係史高斯问题。史高斯先係中场被佢吹咗个犯规，史高斯唔服，拿住个波响度抱怨，最后最扔个波，给黄牌没问题。但係跟住史高斯立刻响后场一个完全没可能拿到波的情况下摆明一个从后拦截铲倒对方。呢个波绝对係100%要给黄牌的。但係维利居然放过咗史高斯。作为曼联迷，我地应该觉得幸运，因为史高斯已经唔係第一次的了。佢呢D咁样的脾气唔改，到时响某些重要比赛爆发，曼联的问题就大了。我唔知维利点解会咁仁慈，不过我都要多谢佢。
第三个就C朗插水果球。首先，巴恩斯果球，你唔觉得佢係插水，那么C朗呢球更加没可能插水。C朗呢球同对方后卫只脚的接触要比巴恩斯同卡力克的接触近得多。但係呢球居然吹插水，维利的判罚尺度变化快过女生脾气的变化。而且更大的问题是后面，C朗捅走个波后，nani係拿到个波，有个射门机会的。几乎係射的同时，维利就吹鸡了。我地先唔讲C朗呢个波係唔係插水，但係nani係明显有个机会射门的，你响唔确认对方进攻球员是否插水的情况扼杀咗攻方的一个射门。维利呢球处理好有问题。更加唔好讲果个黄牌了。如果呢球C朗係睇到nani有空位，将个波捅给nani，然后对方脚到，自己跳起逼脚，那么呢球就真係冤过窦娥冤了……当然C朗给人的唔好印象，亦可能导致维利吹罚佢插水。但係C朗今场跌咁多次，点解偏偏就係呢次曼联有个射门机会佢先吹插水呢？
第四个就係就係云达沙两次走出大禁区的解围。第一次云达沙清走个波后，耶古堡飞铲唔收脚，呢个波，肯定係犯规。好彩爱华顿没空门机会，否则呢个波就真係唔抵了。第二次就係替补耶古堡上场的安尼捷比，云达沙又係飞出嚟解围，安尼捷比同云达沙有个轻微接触，维利就吹咗了。我好唔明白维利，第一球耶古堡明显唔收脚，佢唔吹犯规，而安尼捷比呢球未必係有心的轻微接触，佢却吹咗犯规，再次体现到维利的判罚尺度变化係非常快的。
佢呢场波的问题远唔指我上面指出呢4个，维利的名气係大，但係佢的表现同佢的名气严重唔成正比。