[時事討論] 危險招牌高高掛屋署胡混歎慢板

正所謂，一個招牌跌落嚟都砸親幾個。尤其係香港人煙稠密，大廈招牌林立，唔少仲日久失修，搖搖欲墜，清拆點可以歎慢板，偏偏屋宇署清拆行動慢過烏龜，任由危險招牌高高掛，簡直靠害。
) v, _, w# `+ O8 m z公仔箱論壇香港話就話係安全城市，其實都市炸彈遍地開花，淨係危險招牌擊中甚至壓死途人嘅慘劇已不時發生。屋宇署四年前推出「目標街道大規模違例招牌清拆行動」，對違例招牌發出清拆令，又以「先清拆，後追討」加快處理「無主」招牌，招牌擁有人亦可參與檢核計劃，主動申報。可惜吖，有關計劃雷大雨小，屋宇署做事慢吞吞，巡查懶懶閒，檢核計劃同樣反應冷淡，蓉蓉爛爛嘅招牌照樣原封不動，問你死未。
唔係嚇你，九龍城區就係其中一個「重災區」。好似土瓜灣譚公道吖，一間執咗笠廿年嘅公司，其三米長、生晒銹嘅舊式招牌連支架，竟然到今日仍然篤眼篤鼻擺喺度獻世，係咪誇張先？咁都未算，衙前塱道一個兩米長嘅懷疑棄置招牌，甩皮甩骨咁露出生銹鐵板，支架仲延伸至另一個巨型招牌，遲早一鑊熟。呢啲無主招牌五步一小個，十步一大個，遇上打風落雨隨時跌落嚟都似，都咪話唔得人驚。
鬼咩，屋宇署做嘢好似食咗成擔豬油咁，有關行動直到舊年都係覆蓋咗廿一條目標街道路段咁大把，起碼仲有二十個街道路段未完成，九龍城呢啲舊區仲要唔喺範圍之內，市民都係練定鐵頭功至好出街咯。話時話，即使被列入清拆名單都係多餘，銅鑼灣波斯富街就有一個列入清拆行動嘅招牌，由舊年拖到今年都仲擺喺度，官老爺擺明Hea做啫。仲有呀，就算屋宇署肯清拆招牌，都因為招牌無人認頭而難以追討費用，到頭來又係納稅人埋單。
- P8 k6 g. z4 Pwww1.tvboxnow.com當然喇，屋宇署例牌否認辦事不力，仲話已經處理咗二千七百個危險或違例招牌喎，講到好似為民除害咁款。大佬呀，全港問題招牌多達十萬個，官老爺做嘢大歎慢板，仲一味自吹自擂，同草菅人命冇乜分別嘅咋。真係諗極都唔明，屋宇署無論處理危險招牌、問題鋁窗定係僭建物，統統都係發出清拆令就關人個關，連審計署都炮轟屋宇署清拆招牌行動成效低，去年發出一百三十三份清拆通知，超過七成至今紋風不動。畀着你係問題招牌擁有人，都唔會放呢隻無牙老虎在眼內喇，違規招牌有乜辦法唔梗有一個喺左近吖。
( m! Z/ e) a2 k: R9 [講到底，港府大事做不來，小事做不了。清拆違例招牌只係小菜一碟，官老爺咁都大玩拖字訣，不如拆咗屋宇署個招牌算數喇。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) h, X+ |; _: `( |& \2 R7 F- E