從Cafe反映現實夫妻生活
從前有兩公婆，結左婚好幾年，
但d關係麻麻，
咁個老公就想搞返好d關係。
老公:「老婆，其實我發覺我地近年，少左d野。」
老婆:「少左咩?」
老公:「少左d情調。我地唔同其他情侶咁，得閒又行下沙灘，得閒又傾下心事，得閒又耍下花槍，我地郁d三句唔埋又鬧交又講粗口，真係好odd。諗返起，呢幾年黎，我真係冇乜點盡老公既責任，我唔識呵護你，我唔識體諒你，間唔史又糟質你，當你係我沙包，鐘意就吊你上天花打你兩鎚，唔鐘意就丟埋你去一二邊食塵，我真係好慚愧。自從結婚個日送左隻塑膠戒指比你之後，到而家都未送過野比你，我仲離譜連你生日都唔記得送野，自己就走去同d客消遣劈啤，留你係屋企等我門，成日買好曬餸煮曬我飯我先send 個 sms比你話你聽我唔返屋企食，我覺得我真係好賤，而家我證係想同你講聲sorry。」
老婆:「老公，其實我都好對你唔住，我成日掛住打牌，成日輸左錢之後係你銀包到偷一千幾百去翻本，點知輸埋。我又成日煮飯煮唔熟d餸，搞到你又屙又嘔。我沖涼又次次都沖浴缸，搞到d水費又貴，又鬼死咁浪費，我其實一直都係你既負擔。」
老公:「千其唔好咁講，老婆，你係我生命之中最重要既人，我唔可以冇左你。」
老婆(感動落淚):「老公，我愛你。」
老公:「我覺得，我地由今日起，應該過返真真正正兩公婆既生活!」
老婆:「嗯!」
老公:「今晚，我想同你去間cafe，我想同你傾心事，我有好多好多野想同你講，你著靚d。」
老婆:「好! 咁我地去邊度?」
老公:「商場地舖個到有間，我地去個間。」
老婆:「好!」
老婆心諗，
樓下商場又點會有間好既cafe呢，不過算喇，今日經已係老公第一次帶佢去cafe傾心事，有時唔好咁心急，一步一步黎。
好，出發!
兩公婆去到商場，
老婆:「老公，其實間cafe係咪新開，我都唔知呢度有間cafe既。」
老公:「你唔知? 呢，就係前面乍麻。」
老婆一見到，即克整左個 「 -口-! 」樣出黎。
老婆:「@@! 係Cafe De Carol。」 |
發表於 2011-9-30 11:15 AM
| 
international adapter
