公路

soforlee

假期前一夜, 約左成班朋友去大帽山BBQ, 有3個人有車, 男友渣左架公司VAN, 好似就來散咁, 又壞冷氣undefined , 咁果晚有十個人(唔係太記得人數)一邊燒一邊吹水, 又飲左好多酒, 幾個女仔同兩個男仔陪同去廁所, 大帽山BBQ個廁所同個燒烤場都有一段仔距離, 我地要橫過停車場去廁所, 岩岩有兩三個女仔又叫又驚咁話有鬼, 我地都呆左一呆, 點算…附近冇廁所, 有班男仔就仲入去睇仲一面叫囂, 隔一陣跟住就聽到男仔大叫有鬼丫, 而且有女人鬧人聲講圍頭話(我估) , 原來有個阿嬏係裡面, D女仔真係玩野, 耍左D男仔入去睇, 俾個阿嬏鬧, 好彩車上面等佢男人冇出來鬧人(估係佢個仔), 見佢出來扶走個阿嬏, D人即閃晒, 我地見冇咩事咪照入去廁所, 入去時中間已有一格廁鎖住有人不停沖水, 到出去洗手時果格仲係到沖水(有冇咁多野沖丫 ), 個個都出晒來, 果格都係冇人出來, 幾個女仔都驚驚地, 晚嘛嘛係個山頭廁所都咪話唔恐怖 , 即刻走出去同果兩個等我地男仔走, 走前又睇到有女仔想入去時大叫好驚要男友陪, 但係見到個女廁有格鎖左, 又不時有沖水聲男仔冇入到(都唔知係咪壞左, 一段小插曲), 我地冇理走返去繼續吹水, 不過所有帶來食物飲品消耗晒, 成點幾兩點咪散水, 佢d朋友都鐘意係落山玩飆車, 個個都醉薰薰咁, 男友個VAN仔俾D朋友用私家車係後面推, 攪到左搖右擺又跣呔, 佢D朋友都幾壞 , 仲要笑笑口係公路前過我地頭, 大家各走各路後冇幾耐架車又開始左搖右擺, 這次係男友酒力不支合眼訓, 哇~大佬你想死咩, 拍醒佢冇耐又開始向右邊飄去, 正當我想拍佢時已經撞欄, 好彩架車只係彈一彈冇事繼續走, 男友嚇親好緊張咁冇再訓, 同時叫我唔好嘈 , 我只係唸係咪怕公司鬧, 就咁係樓下路邊拍好車佢一直沖到上樓直入房卷著被(好似蝸牛 )叫我關大門, 入房問佢咩事時佢係好驚全身震, 佢話當時公路撞車見到有紅衣女人係公路中心向佢招手, 駛過後冇幾耐眼尾係倒後鏡又見到紅衣女人坐左係後座, 佢驚到唔敢再望, 而且拍車鎖門時更見到佢係司機位, 但係當時我乜都睇唔到? 佢唔知紅衣女人有冇跟上來, 不過唔敢再回頭, 佢家有本聖經, 我幫佢放係書到, 佢一晚唔敢去沖涼, 到左第二朝羅車時叫我一齊去, 因為冇拍咪標位, 今日要好早落去轉拍標位, 落到車到見冇野, 直到第二日到冇事發生都安心晒, 因為佢話太驚其實唔係好清楚個紅衣女人係點樣, 之後冇再見到野, 我估佢唔知係咪飲大左姐。 TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。+ N& `4 U9 _. @