[新聞] 艾迪巴約發誓當食生菜

「我發誓以後唔再乜乜，如果唔係就物物」，類似呢啲咁嘅誓言，年中發得最多嘅多數都係啲大滾友同賭仔；而估唔到呢個發誓當食生菜嘅風氣竟然吹到去球場度，最近有多哥王子之稱嘅艾迪巴約走出嚟話，自己將會重返國家隊喎！
事緣早前非洲國家盃，多哥球員無端端俾人槍擊有兩個職球員死咗，而事後艾迪巴約就話噩夢揮之不去，以後都唔踢國家隊咁話；而事發到依家都未夠1年，佢就厚顏無恥咁出嚟話會喺嚟國際賽期代表國家出賽，你啲傷痛又真係幾兒戲喎！講番原本多哥以國殤為由退出上屆非洲國家盃，俾非洲足總罰喺嚟緊兩屆都唔可以參加賽事，但經過國際體育仲裁法庭審議後，成功打甩咗有關停賽判罰，加埋今次阿多哥王子又復出，今次多哥啲人民都應該高興啦！