賽 後 評 ： 七 月 八 日 快 活 谷 九 場 草 地 夜 馬
第 一 場 ： 「 跑 贏 大 市 」 終 於 贏 馬 ， 六 歲 馬 下 季 都 係 要 在 五 班 先 有 機 會 贏 。 「 大 寶 庫 」 一 擊 不 中 又 要 等 機 會 ， 冷 先 好 捧 。 「 超 順 暢 」 得 個 追 字 ， 一 哩 似 嫌 短 。 「 南 華 勇 將 」 跑 得 太 密 ， 方 仔 會 同 佢 贏 的 。 「 運 財 之 星 」 起 緊 ， 下 季 初 已 要 睇 。
第 二 場 ： 「 路 路 發 」 贏 到 甩 晒 ， 除 咗 雷 神 騎 功 之 外 ， 對 手 水 都 係 主 因 。 「 有 情 風 」 又 遇 伏 ， 馬 房 有 鬥 志 都 冇 用 ， 馬 係 咁 多 料 。 「 樂 趣 」 跟 到 入 直 路 散 晒 ， 內 在 有 毛 病 還 是 馬 房 想 等 下 季 ？ 「 執 子 之 手 」 喼 得 到 ， 五 班 留 佢 唔 住 的 。
第 三 場 ： 「 珍 珠 有 利 」 贏 馬 亦 合 理 ， 始 終 四 班 有 級 數 。 「 大 收 成 」 搏 殺 有 心 但 又 係 第 二 ， 寄 望 下 季 會 再 進 步 ， 健 康 正 常 四 班 有 得 贏 。 「 花 紅 」 放 到 末 段 得 個 捱 字 ， 實 力 非 想 像 般 高 。 「 新 添 」 今 季 進 度 嚟 得 慢 ， 健 康 喼 到 下 季 初 已 可 贏 。
第 四 場 ： 「 陀 飛 輪 」 彈 甩 贏 ， 四 歲 馬 適 應 後 可 扶 搖 直 上 。 「 帝 國 勇 將 」 狀 態 跑 一 場 好 一 場 ， 下 季 初 一 出 已 有 贏 馬 本 錢 。 「 皇 子 」 輸 1 2 檔 早 段 用 力 太 多 。 「 頌 友 」 馬 弗 ， 但 鞍 上 人 三 檔 跑 到 轉 彎 飛 出 大 外 檔 ， 當 正 佢 馬 王 咁 款 ！
第 五 場 ： 「 海 之 濤 」 贏 在 夠 快 及 對 手 水 ， 連 「 高 山 威 龍 」 都 入 到 Q ， 反 映 今 場 水 準 不 高 。 「 星 之 勇 士 」 慢 閘 追 得 唔 勁 ， 明 顯 未 夠 。 「 偉 寶 之 星 」 入 一 席 人 棄 我 取 ， 泥 地 才 有 贏 面 。 「 聖 驛 善 」 衝 都 冇 得 衝 ， 馬 房 有 心 減 分 下 季 才 用 。
第 六 場 ： 「 花 月 流 星 」 換 雷 神 上 去 路 短 都 輕 勝 ， 下 季 更 成 熟 ， 三 班 留 唔 住 。 「 香 江 穩 勝 」 大 大 步 但 有 前 冇 乜 後 ， 要 再 進 步 先 有 機 會 贏 。 「 上 浦 猛 將 」 跑 法 易 位 難 贏 ， 買 W 可 慳 番 。 「 滿 堂 紅 」 唔 係 咁 短 馬 。 「 奧 妙 繽 紛 」 輸 戰 意 。
第 七 場 ： 「 龍 之 欣 」 同 楊 明 綸 的 確 合 拍 ， 下 季 在 四 班 仍 然 有 得 贏 。 「 優 勝 」 草 地 冇 乜 本 錢 贏 。 「 頌 義 」 大 長 途 腳 法 ， 下 季 四 歲 可 放 異 采 。 「 騏 名 燈 」 夾 硬 放 死 。 「 杰 歡 騰 」 贏 完 走 樣 ， 計 馬 仍 有 進 步 空 間 。
第 八 場 ： 「 勁 飛 揚 」 八 歲 老 馬 今 季 三 捷 ， 下 季 有 排 回 氣 。 「 根 深 柢 固 」 如 果 早 啲 望 到 空 頭 馬 有 機 會 係 佢 。 「 喜 勝 多 」 亦 係 分 利 馬 ， 腳 冇 事 二 班 都 贏 到 。 「 威 利 飛 越 」 全 程 外 叠 捱 個 第 四 算 佢 叻 。
第 九 場 ： 「 你 知 我 心 」 贏 在 夠 快 貼 到 欄 走 。 「 活 力 寶 」 如 非 早 段 受 阻 未 必 輸 梗 ， 一 席 第 二 就 必 有 。 「 有 醒 」 放 唔 出 後 上 入 Q ， 馬 弗 是 主 因 。 「 喜 喜 寶 」 休 出 未 夠 銳 。 「 中 華 寶 貝 」 柏 寶 換 咗 湯 智 傑 可 以 差 好 遠 。
|
發表於 2015-7-9 05:16 AM
| 