最老華將開齋了！ 2 2 7 倍巨冷Ｑ　一對騎師共 8 9 歲

練馬師鄭俊偉剛周日以「好好計」衝擊日本短途馬錦標失敗，同日卻在港憑「碧科」捧香港中華總商會 1 1 5 周年會慶盃。今晚快活谷夜賽，鄭俊偉全晚獨出一駒，以「創意寶」單刀赴會，結果此駒於第五場四班 1 2 0 0 米，在 4 1 歲現役最老華將賴維銘胯下，爆出 1 1 倍冷 Win ，轉倉後季內兩戰一勝一季，除了幫鄭俊偉省靚招牌外，此駒亦助賴維銘打開今季勝門，台前幕後皆大歡喜。

呢場三甲馬鬥冷，第二名由 4 6 倍在港初出馬東廐「靚先生」拎到，Ｑ冷至 2 2 7 倍；賴維銘與亞軍「靚先生」鞍上人 4 8 歲的巫斯義，開出加埋合共 8 9 歲的年長騎師Ｑ。

第三名仲杰，由全場最冷達 1 8 9 倍之姚廐馬「馬狀元」夥拍梁家俊取得，五歲馬第二季出賽，首度跑單位數名次即上名，第四名係拉士一度突圍而埋唔到尾之匆出大熱門「旅遊一哥」，四重彩冷到每注派 1 1 4 萬幾。