盃味濃：煲呔日諗起煲呔曾

今日兩場主打沙田錦標 1 6 0 0 米、精英碗 1 2 0 0 米，都係響 2 0 1 1 年馬季升格為香港 G 2 。

● 沙田錦標：特別為沙田馬場響 1 9 7 8 年落成而設，歷史悠久，今年係由東方表行贊助嘅第四屆，更首次舉辦「時尚煲呔日」，真係有咁啱時又得咁蹺，自從 1 0 . 1 國慶日之後，「煲呔曾」不知幾咁出名，經常出現響報章 A 叠，之但係就唔見佢有打「煲呔」！

其實計高明話，一講起「煲呔」，香港人必然第一時間諗起「煲呔曾」，如果呢個「時尚煲呔日」搵到「煲呔曾」做代言人就真係夠晒出位，全港傳媒必定仆崩頭爭住做！至於馬圈中有邊個最鍾意打「煲呔」？高明就唔多覺有！其實響美國幾乎跑親馬都有騎師打「煲呔」，人哋啲綵衣可自由加個「煲呔」點綴吓，唔似得香港啲綵衣咁悶、咁多條件限制，表面文明內裏就保守到暈，十年如一日！

費事又有人睇完唔 Happy ，都係講番沙田錦標，近五屆方嘉柏共獲兩 W 三 P ，所以上屆盟主「軍事出擊」梗係要睇高一線。

● 精英碗：近三屆由「愛跑得」、「綽力之城」、「友瑩格」奪魁，歷來此賽頭馬冷熱不定，但就好少開大熱 Q ， 2 0 1 1 年更出現「富貴金龍」搭「小橋流水」 5 8 8 倍 Q ，近四屆 5 號馬最旺一 W 兩 P ，今屆 5 號馬係「幸福指數」，莫雷拉肯棄「步步友」揀騎，點可唔捧。

收藏分享評分

回復引用

訂閱 TOP

返回列表

盃 味 濃 ： 煲 呔 日 諗 起 煲 呔 曾

盃味濃：煲呔日諗起煲呔曾