我們缺少了這一進攻模式

我們的攻勢, 有時會水銀瀉地..但遇到守強於攻的救隊..顯得力不從心..
睇番過往取得英超冠軍的球隊, 甚至我地攞歐聯冠軍那年, 發現有一個進攻模式是現在所失去的, 就是高空攻勢..

睇番歐聯冠軍個年, 我地ge頭鎚攻勢都唔弱, 有謝仔, 加西亞, 摩連等..係危急關頭都有好大作用(如525的第一球, 2005年分組賽對奧林比亞高斯的第二球同第三球都有間接關係)..但呢兩年間, 大家都將高空攻勢只投放係高治, 變左以前侯利亞時代的希斯基咁, 有佢係度先有頭球攻門.

觀乎利記的攻勢及陣型, 都係主要以地面進攻為主, 如班拿約、托利斯、禾朗連、古治、巴布等等, 都係個人技術為主, 極少在禁區內施展頭技, 令到利記的攻勢不夠立體. 同時, 這種排陣方式, 令利記係死球的安排多未能製做入球, 相比其他列強的確係輸蝕左.

我諗賓sir應多配合進行高空攻勢, 間接使兩翼的威力增加(賓納係頭幾場咁生都係因為重側擊的打法所致), 中間的空位亦可拉濶, 使我們久違了的遠程炮重現(最想見謝仔、沙比兩個輪流係禁區頂放冷箭)

既然買左咁多球員, 麻煩賓sir擺多d時間去諗多幾"飯"進攻方式, 使少d時間去度輪替啦！

1 評分次數