[新聞] 【催淚煙為禍】貓咪中招狂咳狂流淚獸醫教應對方法!

本帖最後由 manyiu 於 2019-8-8 10:20 PM 編輯

2019年8月7日

近日警民衝突禍延至民居，警方於社區中發射多枚催淚彈（單單8月5日就發射咗800多枚），催淚彈為化學氣體，本身已經屬於神經毒氣，雖然話人不幸吸入會引致呼吸不通、皮膚有如火燒、不自控流鼻水眼水，不過只要清洗及時都未必有太大後遺，休息一陣就無事。但人中招都話辛苦，更慘係原來好多人家中嘅貓貓都中招！貓嘅嗅覺比人靈敏得多，貓鼻入面就有2億個嗅覺受體！因此就算大家喺屋企聞唔到，其實貓貓都已經受緊催淚煙所害。唔少網民都有貼出，話自己家嘅貓主子都流淚不止，特別係住喺黃大仙、深水埗呢兩個重災區。

有網民話自家貓貓吸入催淚煙後，雙目紅腫流淚不止，我見猶憐。

深水埗嘅城大動物醫療中心同樣受催淚煙影響，住院貓貓要緊急移送ICU。

由於好似今次事件咁，就算居民聞唔到，但貓貓都出現症狀，所以大家要細心留意自家貓貓有無出現特別情況；根據外國獸醫組織PetMD，如果發現貓貓有以下癥狀，就係吸入咗有害氣體：

1.咳嗽

2.流口水

3.呼吸困難

4.失去知覺/暈倒

PetMD話如果貓貓出現以上中毒癥兆，需要立刻將寵物移離現場，尋找安全位置。不過面對好似香港目前嘅情況，好多時候未必可以即時帶埋貓貓離開，因為外面可能仲亂仲多有毒氣體；本地嘅愛護動物協會都有出Post，教大家一啲即時嘅拯救措施：

1.首先，主人要戴上手套，避免直接接觸動物身體；

2.如動物眼睛受催淚氣體影響，請立即用生理鹽水為其沖洗眼睛，同時亦應阻止動物揉擦眼睛，以免牠們受到更大的痛苦；

3.如為動物沖洗眼睛，必須避免受影響眼睛沖洗出來的化學物流至另一眼睛；

4.用冷水沖洗動物的身體，盡量沖走其身體上殘留的化學物；

5.取走並徹底沖洗動物的頸繩及身上衣物；

6.如動物出現呼吸困難、眼睛腫脹及痛楚跡象，請立即帶動物前往就近的獸醫診所求醫。

多謝 prodigydou 提供

1 評分次數

支持妳。 TVB + 25 元 功勳 + 25 點

prodigydou

收藏分享評分

愛 Hamster 會發達!

想知天下事~只需每日收看~“時事焦點”!

回復引用

訂閱 TOP

返回列表

[新聞] 【催淚煙為禍】貓咪中招狂咳狂流淚 獸醫教應對方法!

[新聞] 【催淚煙為禍】貓咪中招狂咳狂流淚獸醫教應對方法!