尋日排位,自己睇好[旅遊領隊]同[小飛象],[小飛象]跌到落嚟第四班,雖然清晨對佢嘅觀感並吾係咁好,但記得上季尾又係差吾多觀感款頭,結果十幾倍跑第三,我走甩左位置,今次自己觀感同果次一樣,對9歲馬吾應該呵刻.所以自己都幾鐘意[小飛象].未講[旅遊領隊]之前又講吓題外話,話說隻[金百利]啱啱輸到幕後扑晒街,[大力哥]受盡壓力,佢今季到而家只係贏得2埸頭馬,同馬房隻[勁兔]又退出埋,呢埸單支吾洗估,[旅遊領隊]絕對係馬房出擊首選,我賽前就只諗尼兩隻,但今日收風就係[霍利時]兩隻馬,一隻係[歡樂心],一隻係[熊中雄],先講隻[歡樂心],呢隻馬晨課觀感吾差,最重要係近期[霍利時]呢個地可能會比[蘇銘倫]搶飯碗,[韋達]呢埸會襯馬有態去盡,鬥志吾洗懷疑.至於[熊中雄],話說馬主星期四上機凸登等埋今埸,其實星期三晚係約左一位好重要嘅人,可能拉頭馬時會出現,各位落足眼力.如果[杜鵬志]博輸埋[熊中雄],佢同[霍利時]應該正式斷尾,呢隻馬可能會益番[韋達]都吾出奇.
綜合第二埸心水,收風馬[歡樂心]可以行頭,[小飛象]為次選,[旅遊領隊]可作為第三選,點解[旅遊領隊]會第三選呢?就係驚有[霍利時]嘅[歡樂心]就冇左[杜鵬志]隻[旅遊領隊].賭馬賭得耐,大家心照知點解.
今日收風馬係[霍利時]嘅[歡樂心]同[熊中雄],但計形勢同賠率要揀一隻賭位置,我會以[歡樂心]為全日位置重心.
小弟講嘢非常另類,吾係個個可以接受,吾夠經驗就一定接受吾到.
波料要睇埋出埸名單先可以投注,今晚愈遲買,愈着數,出埸名單係代表鬥志,呢兩埸波今晚咁擔得飛,盤路一郁幾乎可以定投注策略,吾到夠鐘我都吾刮佢.不過點都要講吓自己嘅睇法,強勢阿仙奴作客講明出副選,亞洲盤開平手,入球大細,細有1.75倍,入球細通常開1.65樓下去對亞洲平手盤先有走盤機會,入球細有1.75 倍而去賭亞洲盤平手,諗住有[走盤]安全感?除時連渣到冇埋呀老友.
反而曼成對熱刺,如果睇啱出埸名單,可以向平/半上盤埋手,曼成正常平/半盤如果過2倍,各位可以齊睇波,留番錢叫雞,正常計算,曼成如果歐盤落至2.1倍,亞洲盤平/半响1.925至1.975之間就較為[真實].吾好比澳門盤呃呀老友,現在澳彩做[曼成]平/半,1.98對1.82倍,計番抽水常數,佢上盤食多0.02,下盤食多0.03倍,同佢[細老]內埸莊嘅水位爭0.08都吾止,擺明暫時靠大咬水錢,仲未去對[對賭]時機,外圍郁手,有大飛落,澳彩又係對賭嘅時候,記住[落飛]時間係好緊要.要去近乎[摩頂]同[時間性]作出平衡位,網上[投注討論區]又有幾多所謂高人可以做到呢?出嚟呃人氣揾錢之徒就大把,各位網友自己帶眼識人,又夠鐘走人,各位自己執生,呢期少寫馬料係自己驚[馬故癮]發作,一講開馬仔就收吾到口,自己時間又吾夠用,所以會少左寫馬仔料. |
發表於 2007-12-18 11:25 PM
| 
