【子健講馬】大馬房其實唔多興食住上

02754566

近兩、三季賽期密，場數多，馬匹數目卻沒明顯增加，有半數馬房換血速度慢，同時受制於養馬量上限60匹，莫說中型馬房，大馬房亦一樣不易維持。
除了蔡約翰外，幾乎無另一個馬房有這麼快的換血速度，換血不成的馬房，便要面對一季好，兩季甚至更長唔好的後果。
所以近季興講，邊個馬房少打叠，甚至無打叠贏，成因有好多，先要分清楚，那些馬房長期（幾季）都如是，又有那些因一、兩季拼搏過度，馬房青黃不接，中年馬大多評分到頂，想打叠都難。
那些連續多季少打叠嘅馬房，若無突變，大可歸類為「一招了」，好完下次便要小心，相信大家都見唔少，上次點勁都好，下次可以走晒樣的馬，長期有唔追無壞戒心，可為自己荷包慳番唔少。有留意亦信有此模式朋友，應會注意到「少打叠」現象，非細馬房獨有，大馬房一樣會有，一旦換血換得好，這些馬房多能挽回應有名聲。
現在回看上季，大摩、方嘉柏、葉楚航、苗禮德，這數個養馬多的大倉，一樣少打叠好，連這類大馬房係咁，更何況一些長期捱打嘅細馬房？買馬好現實，尤其是揀選熱門馬，只要有一、兩個不利原因，那管是這些表面偏離以馬為軸心理由，只要知道心水馬出自少打叠嘅馬房，索性唔賭就咁簡單。