女 見 習 生 蔣 嘉 琦 上 季 一 出 道 即 贏 3 7 W ， 擸 埋 最 受 歡 迎 騎 師 及 新 設 的 告 東 尼 獎 ， 當 街 頭 巷 尾 都 高 談 嘉 琦 BB ， 馬 圈 還 有 另 一 位 見 習 生 默 默 耕 耘 。 黃 皓 楠 上 季 亦 贏 到 2 2 W ， 他 不 介 意 光 芒 被 嘉 琦 蓋 過 ， 更 形 容 兩 人 是 良 性 競 爭 ， 阿 Jack 亦 承 認 經 常 在 陣 中 跑 錯 畀 師 傅 徐 雨 石 鬧 ， 但 會 事 後 檢 討 避 免 重 覆 犯 錯 ， 新 季 他 定 下 兩 大 目 標 ， 希 望 贏 到 3 0 場 後 ， 再 諗 升 格 做 大 師 傅 。 黃 ： 黃 皓 楠 記 者 ： 林 湛 穎
記 ： Jack ， 上 季 你 總 共 贏 2 2 場 ， 最 難 忘 嘅 頭 馬 係 邊 一 場 ？
黃 ： 算 係 中 規 中 矩 ， 數 目 係 預 期 之 內 ， 師 傅 徐 雨 石 嘅 「 歷 險 家 」 喺 自 己 胯 下 連 贏 兩 場 田 草 1 0 0 0 米 ， 既 滿 意 又 難 忘 ， 因 為 由 隻 馬 初 初 嚟 到 贏 出 首 W ， 近 八 成 工 夫 由 自 己 包 辦 ， 好 有 成 功 感 ， 人 馬 真 係 建 立 出 默 契 ， 「 歷 險 家 」 性 格 有 少 少 細 膽 ， 但 我 沿 途 都 可 以 令 牠 跑 得 好 舒 服 ， 加 上 我 有 七 磅 減 ， 牠 又 唔 算 大 隻 ， 最 終 可 以 輕 鬆 一 放 到 底 。
記 ： 季 尾 你 喺 谷 草 1 2 0 0 米 騎 「 盈 喜 悅 」 克 服 1 2 檔 贏 出 ， 練 馬 師 孫 達 志 賽 後 讚 你 留 放 好 出 色 ， 你 跑 外 檔 馬 有 乜 心 得 呢 ？
黃 ： 賽 前 預 咗 形 勢 對 「 盈 喜 悅 」 不 利 ， 反 而 內 心 壓 力 唔 大 ， 放 鬆 心 情 去 應 付 ， 最 終 贏 馬 令 自 己 感 覺 到 冇 前 季 初 出 道 嗰 陣 咁 心 急 ， 思 路 成 熟 咗 。
記 ： 之 前 你 喺 田 草 騎 「 得 盛 」 狂 放 落 敗 ， 賽 後 被 競 賽 小 組 抽 秤 ， 事 後 你 有 冇 檢 討 過 ？
黃 ： 有 兩 個 毛 病 要 改 善 ， 步 速 掌 握 得 唔 夠 敏 銳 ， 嗰 場 我 騎 「 得 盛 」 確 係 放 快 咗 ， 甚 至 唔 識 賽 馬 嘅 人 ， 一 睇 賽 事 片 都 覺 得 我 發 揮 唔 夠 好 。 另 一 樣 就 係 判 斷 能 力 ， 陣 上 走 位 未 夠 當 機 立 斷 ， 事 後 不 斷 諗 點 樣 去 改 善 ， 例 如 可 唔 可 以 透 過 晨 操 掌 握 步 速 得 更 好 。
記 ： 你 跟 隨 咗 石 哥 學 藝 兩 季 ， 佢 畀 你 嘅 感 覺 係 一 位 點 樣 嘅 導 師 ？
黃 ： 師 傅 有 問 必 答 ， 有 錯 必 鬧 ， 但 唔 係 立 亂 鬧 而 係 有 道 理 ， 鬧 自 己 喺 邊 啲 地 方 犯 錯 ， 點 樣 糾 正 。 舊 年 1 0 月 2 2 日 谷 草 1 2 0 0 米 夜 賽 ， 點 解 會 咁 記 得 ？ 因 為 當 日 係 我 生 日 ， 諗 住 可 以 憑 「 愛 寶 」 贏 馬 慶 生 ， 點 知 出 閘 推 騎 咗 百 幾 米 ， 放 唔 出 只 跟 到 三 、 四 位 ， 做 唔 到 師 傅 原 本 嘅 指 示 ， 入 直 路 仲 跌 埋 鞭 ， 結 果 只 跑 第 七 。 我 一 落 馬 解 鞍 ， 師 傅 已 經 鬧 得 好 緊 要 。 到 第 二 日 晏 晝 ， 師 傅 好 平 心 靜 氣 同 我 講 ， 呢 場 馬 出 咗 乜 嘢 問 題 ， 再 睇 番 片 認 真 檢 討 。 師 傅 係 紅 褲 子 出 身 ， 會 理 解 騎 師 喺 陣 上 嘅 諗 法 。
記 ： 你 在 港 從 騎 以 來 取 得 3 1 場 ， 只 要 贏 多 3 9 場 就 滿 7 0 W 畢 業 ， 新 季 會 唔 會 係 你 嘅 目 標 ？
黃 ： 升 到 當 然 最 好 ， 但 新 季 目 標 係 贏 3 0 場 ， 我 唔 會 過 份 畀 壓 力 。 我 明 白 成 功 升 格 做 大 師 傅 後 ， 條 路 唔 易 行 ， 但 最 緊 要 陣 上 嘅 表 現 夠 穩 定 ， 畀 其 他 練 馬 師 同 馬 主 知 道 ， 自 己 能 夠 勝 任 ， 才 能 夠 爭 取 更 多 支 持 。
良 性 競 爭 成 推 動 力
記 ： 2 3 歲 嘅 蔣 嘉 琦 上 季 平 地 一 聲 雷 ， 同 2 2 歲 嘅 你 年 紀 相 若 ， 又 同 係 七 磅 仔 ， 對 你 會 否 構 成 壓 力 ？
黃 ： 我 同 蔣 嘉 琦 係 良 性 競 爭 ， 大 家 都 係 見 習 生 ， 又 一 齊 喺 學 校 受 訓 ， 甚 至 我 哋 訓 練 嘅 programme 都 好 相 近 。 嘉 琦 贏 馬 ， 我 都 會 戥 佢 開 心 ， 對 自 己 都 係 一 種 推 動 力 ， 但 亦 唔 會 因 為 佢 嘅 成 功 ， 而 影 響 到 自 己 出 賽 嘅 心 情 ， 所 指 嘅 係 求 勝 心 切 而 太 心 急 魯 莽 ， 反 而 更 需 要 更 集 中 精 神 。
記 ： 但 傳 媒 好 多 時 都 將 你 同 嘉 琦 作 比 較 。
黃 ： 始 終 把 口 生 喺 人 哋 度 ， 控 制 唔 到 ， 再 去 諗 都 係 冇 用 ， 佢 哋 亦 唔 會 停 止 比 較 ， 但 有 兩 件 事 我 可 以 控 制 到 ， 就 係 陣 上 嘅 能 力 同 發 揮 ， 以 及 賽 前 嘅 準 備 工 夫 ， 要 問 自 己 係 唔 係 已 經 做 到 足 ， 呢 兩 件 事 係 可 以 控 制 ， 我 寧 願 集 中 精 神 做 好 呢 兩 件 事 ， 控 制 唔 到 嘅 嘢 ， 我 會 放 埋 一 邊 。
|
|
發表於 2016-7-22 11:26 PM
| 
