 讲落西关都几多几邪嘅地方，荔湾广场闹鬼事件相信好多广州人都听讲过。据闻，广场前身係一块宝地，一个兴旺嘅地方，无论对于人类或者嗰味嘢都係一个好地方。所以之前Ｄ人为咗可以镇住嗰味嘢，就用咗７副棺木埋咗响度。之后到荔广动工兴建嘅时候，呢７副棺木全部被挖出。之后从施工到之后商户入租都出现闹鬼事件，更有多人响荔广跳楼。从天空俯视荔广，主楼两边半圆半包围嘅翼楼睇落十足十一个坟墓！据闻，因为嗰７副棺木被起出破坏咗原先嘅风水格局，所以呢个地方就冇嘢可以镇住Ｄ污糟嘢。而听讲要另到呢个地方重新边翻之前咁兴旺，只有够７人死于此地，恢复当初嘅风水格局先得。至今已经有６人死于此地，要么失足要么自杀；而十分巧合，呢６个人死嘅位置咁啱就係起出棺木嘅位置！如果风水局一定要恢复嘅话，咁就仲有一个人要死。。。 |
發表於 2007-8-15 10:54 AM
| 