[新聞] 拜仁紅軍鬥搶肥仔艾沙維

88george

艾沙維今季表現低迷，一代「沙皇」慘變後備「昏君」，呢位俄羅斯球星日前終於承認，自己嘅超標體重可能係問題所在。不過艾沙維貴為巨星級球員，始終都有市場，據聞拜仁慕尼黑同利物浦都想來季接收呢件「肥仔」。

                          

雖然艾沙維同阿仙奴仲有2年合約，不過今季演出下滑，正選位置更畀禾確特搶走埋，佢日前喺個人官網同Fans對話嗰陣，有球迷問：「你高172cm，但就有成69公斤重！」點知「沙皇」意外回應：「其實我嘅體重遠遠唔止69公斤！」

                          

無論如何，艾沙維嘅球星魅力仍然有價有市，有消息指利物浦準備用1,000萬鎊（約1億2,800萬港元）收購佢。英國《鏡報》亦指拜仁慕尼黑有意簽佢頂替想離隊嘅洛賓。