[英超] 急不及待, 阿仙奴迎戰曼聯, 賽前中後 + 打氣討論集中區. - 曼聯俱樂部 - 英格蘭超級聯賽 - 公仔箱論壇

和波其实都算合理
总体嚟讲，阿仙奴攻势多D，而且入肉D
曼联全场有威胁的机会就係得2个，曼联都把握住了，体现出强队风范
阿仙奴冠绝英超的攻击力真係唔係讲笑，佢地的组织，中场调控能力都非常出色，令到佢地可以响大部分的比赛里面都可以压住对手嚟打，呢个令到佢地后防线的压力少咗好多。今场的第二个失波，阿仙奴的防守其实做得係比较差。
阿仙奴尽管两轮都係打平，但係我相信呢两场波对佢地的自信心提升咗好多，两场都係落后之下追平。曼联呢场甚至係补时追平。对于呢班后生仔嚟讲，佢地可以响呢两场关键战都落后的情况下，成队波都没散到，仲可以保持自己的节奏去进攻，可见雲加的调教功力。
今季曼联夺冠的难度要大于上年，眼前的敌人有阿仙奴，后面仲有可能会强势反弹的车仔、利物浦。如果利物浦响欧联出局，我相信我地联赛压力会更加大。今季英超将会更加精彩。
曼联呢边，艾华进攻好出色，今场几次突破都打到对方的心脏地带，但係佢的防守问题依然突出。今场波的第一个失波係从佢的防守果边回传到中间给费比嘉斯射空门的。当时Rio追到艾迪比耶到门前，云达沙出击打唔到个波，对方就从曼联的防守左路轻松拿到个波and传中。艾华如果可以追到位，对方唔会传得咁轻松。艾华防守时都身后的位置感其实一直都有不足，经常比人打身后。艾华进攻插入的位置感、时机都係一绝。可惜防守时的身后问题同样突出。最奇怪就係艾华自己最擅长利用对方边后卫的空位切入，但係自己就经常给人插身后。矛盾永远都係唔可以共存的……
CR今场其实大部分时间都比较沉，因为佢经常要回到后防帮助防守！不过上半场的传中、下半场的射门，为曼联两次领先，佢的表现都可以算係合格了！
夏格维斯，今场可以算係合格。佢的防守减轻咗后防的压力。不过第一个失球时，费比加斯拿波时周围没人。按道理呢个位置应该係夏格维斯睇住佢的。呢个易係令到佢唔可以得到比合格更高的评价的原因。当然，佢大部分时间都係防守到位。
anderson基本上隐形，显然佢的成熟程度没年龄相若的费比加斯更高。费sir仲要多花心机响佢身上啊！
锋线双煞，没太多表现机会。因为曼联大部分进攻都却上中场过渡，基本上都係直接从后防线大脚长传上去，佢地舒服咁拿波的机会好少。不过朗尼的把握机会能力还是非常高的。CR的传中，佢的射门令到加拿斯用身体的某部分将个波撞咗入门。替补上场的saha表现都算OK，佢传给艾华的直线早就咗第三个入波。显然两个法国人的默契没野讲啊！
其他两个替补上场的球员，卡力克、奥沙，基本上都见唔到佢地几次……
至于giggs，佢都係习惯性失踪的了。只不过今场没机会给佢灵光一闪……
总体上讲，今场波不失为一场精彩的攻防战。尽管上半场非常沉闷，但係打开记录后，双方都打得更加入肉了。希望周中的欧冠，曼联可以成功提前出线

1 評分次數