carwing

這世上不公平事實在太多
話說上星期有架civic話個乘客位隻窗開唔到
經檢查後發覺係個窗的電動摩打壞左
好簡單，報價換
點知個客話唔整住
無問題，由於要拆門板檢查，唔整又要裝返當然要收取檢查費，佢都明白，比錢走人
點知今朝出現放低架車叫我幫佢換左佢
攞車時仲要同我講佢返左原廠檢查
原廠同佢換左乘客位個電窗掣，又點點點，要再跟，好大機會係唔知乜乜乜壞，總之就無話係個摩打壞
佢馬上就hold住唔整，走返黎叫我整
係我到檢查完又唔信我，要走去原廠整
咁點解原廠整完唔得又死返黎叫我整？我有懷疑過條友吹水，原廠有乜理由咁水皮？但係chok過佢幾次佢都好堅定咁話係原廠做嘅

咁大家話這世上有無咁唔公平先
如果這件事調轉的話
係我換完個掣都唔得的話
我相信佢一定唔會咁輕易就咁比錢走人

天呀！可否對我公平D呢？

carwing

今日跟架Jetta冷氣跟到一頭煙
檢查所有平常會壞的感知器都搵唔到原因
死死氣去睇維修manual
一睇，E，點解有個叫做A/C cut off thermo switch嘅野
再睇睇，嘩！有無搞錯，係感應水溫過高會cut冷氣，真高級
走返去架車到檢查下
頂佢，真係佢壞Q左



跟住有個客叫我幫佢換油
小事
上去揸佢入去咪換囉
點知，一撻車
死！點解無撻車聲？心諗唔係黑到咁吓嘩！
再留心睇下，原來架車係hybrid黎，係無撻車聲嫁，自已都笑鬼左出黎

carwing

弊家伙，前平衡拉桿杯士斷螺絲，睇下個位置先，死啦鑽都落唔到，點算生滿"金秀"好死咁喎



睇埋隻碼先，睇下個螺絲窿變成點



有計仔，燒焊起佢出黎
燒左焊之後就凸左個包出黎



跟住就用大力鉗摟佢



成功喇，哈哈！



不過好辛苦，睇下粒斷頭螺絲，下面D牙壞晒



無計啦，新螺絲都摟唔入，唯有跟牙



搞掂晒，收錢

carwing

尋日有個客介紹左個新客拖架車過黎，話電池頭爛左撻唔著
無野咪換電池頭囉，諗住好小事
拖車到，睇下，嘩！乜個電池頭爛到咁誇張
急修之後咪諗住著車入車房
點知，一著就死火，跟住個拖車佬話：我都試左，唔知點解
大佬呀，你試左就出聲啦，唔駛放左落地先出聲呱，搞到要推車
入到車房之後
左睇右睇，點解咁奇怪，睇過晒都唔覺有乜野
拆火咀睇下先，一睇，嘩！水浸，全部都係油，清乾淨晒換埋新火咀之後著車喇
一撻著左，無乜野，只係出左陣大白煙，正常，油浸完通常都有白煙
等左陣踩小小油試下
死！點解踩油會踩唔起？
無理由，無理由
再落scanner睇資料流
更加無理由，乜都好鬼正常，好鬼夜
都係收工，明天再續

今朝返到公司望下套火咀，依！點解套火咀仲係濕架？
打電話比車主問佢點樣撻唔著，係唔係好耐無用車？
佢話唔係喎，一路都有用車，好正常，係果朝撻唔著之後搵過人黎睇過，整幾整就整到個電池頭爛左
咁我再問佢有無入過油？
佢話有，阿仔人的
我再問：佢會唔會入左油渣？
佢答我：應該唔會呱，佢唔係新牌，入過好多次，應該唔會錯
收線後，諗諗下唔係啦，自已落套洗injector工具，用自已的電油試下
一試，乜事都無，有無搞錯，真係入錯油渣
今次真係玩死，入錯油渣都可以行咁遠返屋企，途中又感覺唔到有問題，好野

carwing

我比佢吹L漲就真
佢阿媽今日攞車時還問點解入錯油渣都可以行百幾公里返屋企都唔死火

carwing

今日又幫架02 Odyssey換sway bar bushing
見到條冷氣去水喉又係滴到正粒螺絲同架MDX一樣
不過今次無斷螺絲，只係鬆唔到而已

carwing

今日整架車個迫力，發現條活動邊積死左，PK佢整左幾十年車都未試過整活動邊要放棄唔整，估唔到今日要放棄
通常火攻就最直接，於是乎二話不說，手起刀落




嘩！紅晒，掂呀，死點解唔郁？唔怕，通常凍左之後第二紅就得，咁咪等陣先囉，得閒得濟望望下，E！點解有膠




好奇心叫我睇下，整甩佢先，唔係下嘩！




想唔放棄都唔得啦，買過得啦，唔係點好

carwing

尋日拖左架82年300sd老benz返黎
望下個咪錶，竟然只有二萬五km
流晒口水
架野放左無行8年咁耐，依加要大整

carwing

今日整架06年Benz B200 turbo入左波唔行，唔踩極力子都可以入波，就連入後波都無聲
開頭以為係個極力子頂死左長開，加上車主話架車個極力子一路都極有問題
於是不以為然，咁咪諗住擔波箱換極力子囉
一睇唔係掛！要engine連波箱在車底落，落之前唔該你拆晒turbo所有野
無計啦，點都要拆
點知拆拆下，將D無謂冚拆開晒之後，咪住，點解轉個轆會有磨擦聲？
再睇下，E！點解條轉動軸近波箱位置有條裂痕！(之前有個冚仔檔住)仲要一邊轉，另一邊唔轉！
PK佢，咁Q粗條shaft都斷得！

carwing

CARWING兄
小弟喺美國楂07STI
想問下尾DIFFERENTIAL GREASE 要幾耐換
同埋波廂油TOO
THANKS
7221116 發表於 2010-9-22 09:07 AM

建議每五萬KM換一次全車油

carwing

做乜呢度冇哂人氣嘅???
成个月都冇新post....
唔通大師傅掛住整 Benz 忙到踢哂腳
Aenergy 發表於 2010-10-27 08:27 AM

我只係越來越懶

carwing

唉！換呔，換呔，換呔，跟住還係換呔最後還要解釋我無裝錯呔
成半年前某個月黑風高的晚上唔係，應該係某日，某女子買左套呔黎叫我幫佢裝上去，無問題，裝完收錢
點知佢唔知去左邊間車房，遇到邊個高手同佢講：妳睇下D呔紋先啦，箭咀應該向前先會達到最高效果，之前條友仔裝錯晒，會點點點..............
咁佢信以為真就氣衝衝咁走黎嘈
我叫佢唔好咁勞氣住，等我睇下先啦，我地做左咁耐無乜理由會裝錯
走去睇下，同個車主講：佢老味，有無搞錯，乜野高人黎嫁，咁簡單一個英文字『outer』妳應該識掛，指比個車主睇，個車主話識，咁我再問佢，咁outer當然係解外面啦，咁點裝錯？唔通將佢裝係裡面呀，咁裡面個『inner』係唔係要磨走佢？佢仲繼續話果個高人話應該箭咀向前，我要箭咀向前，我話好，無問題，要點裝就返去叫佢同你裝，我無義務幫你裝多次，就算你比錢我裝多次我都唔會幫妳裝，妳個乜野高手咁高，仲高過個設計師，妳自已諗下點解先，我無時間同妳講落去，妳喜歡點就點，如果妳個高人有乜唔明就黎搵我，唔識就問，千祈唔好唔識扮識，仲有，妳條呔D紋唔係箭咀紋，係人字紋黎，係咁先

最後，原來勞氣果個係自已

carwing

692# carwing


U.S. 裝四條軚加埋 balancing...人工盛惠六十大洋......
老多係咪咁嘅價呀???
Aenergy 發表於 2010-11-7 07:44 AM

差唔多啦，依加美金對加元都差唔1對1平算

carwing

今日幫个朋友攞架車去換偈油....
08年四門 yaris....1.5L ....算幾好力...
好嘞....換完油....我就揸架車仔上 highway 走番轉....
六十咪之內都幾好揸....一過65上70咪...就好飄...
拿拿林收油...唔好搞笑...命仔要 ...
Aenergy 發表於 2010-11-7 08:49 AM

飄還飄
不過早前見加Yaris炒到副偈都爆左
出奇地條A柱同車頂都無變形
非常堅，讚！

carwing

早幾日在原廠代理拖左架寶馬e90返黎
望下乜事啦
嘩！
比人拆左個fuse box出黎
D插蘇呀，relay呀，半天吊啦，一地都係
頭都痛埋
再望下啦，條大火線溶鬼左個插蘇
無計啦，受人錢財就一定要幫人整
搏鬥完測試下D電器
發現水撥唔行，無高燈
再跟下，原來個水撥係小問題
高燈就搵唔到乜問題
奇怪！
左睇右睇都唔知乜事
忽然腦海一閃，睇下個燈膽啦
哈哈！原來個車主無拆個插蘇落個燈膽
唉！玩死