【香港东方日报】曼聯征俄缺5虎 中央陸軍受讓嗒糖
今晚歐聯B組賽事，曼聯作客莫斯科中央陸軍有暗湧，紅魔鬼五名正選包括朗尼、傑斯等都冇隨隊征俄，戰鬥力銳減；而自○四至○五球季計起，曼聯廿五場歐聯作客勝出率僅得三成，加上緊英超又要作客利物浦，已手六分曼聯今仗一分收貨，中央陸軍1.7倍「讓球主勝」好路。
（有線足球台61周四凌晨零時30分直播）
曼聯近兩屆歐聯兩入決賽一次奪標，但查實球隊作客成績完全唔標青；近廿五場作客比賽，紅魔鬼只贏得八仗，其餘九和八負，上季於分組賽打和過些路迪，大前季仲輸過畀哥本哈根。本屆首仗作客同組最弱比錫達斯，佢都要苦戰至七十七分鐘，先由史高斯一箭定江山，贏得毫無說服力，所以不宜高估其作客威力。另外，朗尼、傑斯、費查、朴智星同艾拉都因傷留曼徹斯特市，紅魔鬼半力出擊更為惡踢。
睇番分組形勢，曼聯兩戰全勝，以三分壓倒禾夫斯堡同中央陸軍，出線機會高唱入雲，今次就算遠征俄羅斯打和而回亦非壞事，不如留力下周日進行聯賽狙擊死敵利物浦仲好。
陸軍歐戰主場特醒
莫斯科中央陸軍平均實力當然唔及曼聯，但佢主場威力驚人，近六場歐洲賽主場賽事全部贏晒，而且佢係○五年足協盃冠軍，歐戰經驗極為豐富，就算對住曼聯都唔會腳仔軟。而由前熱刺、皇馬主帥桑迪拉莫斯執掌後，中央陸軍亦重上正軌，上仗更清脆擊敗比錫達斯，今晚鬥曼聯絕對有權分。 | 
發表於 2009-10-21 04:25 PM
| 
