＊柳飄飄＊

普通嘅微波爐當然唔可以用嚟焗蛋糕啦,最少要有烤焗功能(但係多數啲人會用呢個功能嚟燒雞)

其實用最普通嘅大鐵鑊(如果用平底鍋的話,個鍋內籠要夠深先得)都可以整到蛋糕,隔水蒸已經可以o架喇,好簡單,但要時間掌握得好,成日要睇火同埋可能要加水(以防蒸得耐會乾哂水) 另外而家有好多電飯煲都已經有埋焗蛋糕嘅功能,又安全,時間會自動調節,蛋糕焗好咗佢會自己跳掣(唔駛驚焗燶,同埋唔駛成日要吼住佢顧住睇火嘅情況)當然要預算一定空間俾個蛋糕發大啦(會澎脹o架嘛)
呢種電飯煲好平都有交易,但以Panasonic為首創,size有大細之分,平平地嘅實惠或者直銷中心都有得買,除咗焗蛋糕之外,仲有煲湯同煲粥功能(當然煲得飯啦唔駛講,人哋係電飯煲嚟o架嘛)

[ 本帖最後由 ＊柳飄飄＊ 於 2008-6-21 11:32 PM 編輯 ]